RACONTE-MOI TON ILET, Ilet à Bourse

Richeville Thomas - Bourse, 2011 (photo: Stéfan Grippon)

Richeville Thomas lé lo prézidan l'association "viv a Bourse" fé en 2001. L'association la i vé protèz la natir, la kiltir ék la manièr viv bann zabitan. Li espèr ke l'artizanat ek prozé kiltirel sa rassemble lo bann zabitan ent' zot é sa mette dann la limièr zot manièr d'viv.

 
Tressage de chapeau - Bourse, 2010 (photo: Bastien Brillard)

Madam Christiane Thomas i tresse la paille vetiver ek lys dépi 40 an preske. Zordi li fé soleman sapo ek tente, mé li vé fabrik dot' zafair. I fo nèf paké la paille po fé in sapo. I fo plis ke in somène ent' lo moman i coupe la paille é
lo moman i fini ali.

Partie de foot - Bourse, 2011 (photo: Stéfan Grippon)

Fotbal sa lé lo sport i pratik lo plis dann monde entié éMafate lé pa otreman. Kan marmaye lé pli la pou zoué dann la kour récréation, lo bann gran i sorte dan toute lo bann zilet à koté, i vien aprecié in ti match la  fin d'somène si terrain à Bourse. Mèm lo gran Zidane la ni fé in tour dann cirque Mafate.

Local de Radio Mafate - Bourse, 2011 (photo: Bastien Brillard)

Radio Mafate i émette de tan zan tan kan néna domoun pou fé marsé. Dési Radio Mafate tout domoun i pé di sak i vé. Banna i vé développe ali pou mette Mafate en lèr, pou encouraz lo bann groupe de muzik. Ek lo radio lo bann zabitan i gagn communique ent' zot. Son parabol :"tout domoun i pé kozé si néna in zafér i vé fé partazé".

Vue sur mer - Bourse, 2011 (photo: Stéfan Grippon)

Bann niage dési Piton Cabris lé pareil i sorte dann in volcan. Sa i rapel a nou komen l'endroit oussa nou viv i bouze é i chanze tou lé zour. Nou pé aprécié zoli tablo si sentié botanik é panoramik. Tout sa la i fé ke l'ilet a Bourse lé pareil in l'ilet pendillé en lèr dann Mafate.

Comments

[bastien]

ouai en grand ça en jette pas mal aussi!!